Bylis blindon "talentet" dhe mendon per ndeshjet e rradhes

Bylisi mori një barazim me vlera ndaj Partizanit në stadiumin “Qemal Stafa” aty ku ballshiotët nuk njohin humbje këtë sezon, pasi më parë kanë ndalur edhe Tiranën në një barazim 0-0.
Ajo që ra në sy në sfidën me të kuqtë, ishe debutimi i tre të rinjëve, Fejzaj, Doksani e Bregasi që luajtën gjatë gjithë 90 minutave.Paraqitja e tyre duhet konsideruar pozitive, ndërsa ballshiotët i kanë në planet e tyre për të ardhmen pasi shumë shpejt do të nënshkruhen kontrata afatgjata me ta, pasi bëjnë pjesë në planet e klubit për të ardhmen.
Ndërkohë për stafin teknik vjen një lajm i mirë, pasi rikthehen të gatshëm për sfidën me Flamurtarin, sulmuesi Pepa e mesfushori Gava që munguan ndaj të kuqve për shkak të pezullimit me kartonë.Gjithashtu pritet edhe rikthimi i Adenkules që mungoi ndaj Partizanit, ndërsa këtë herë për ballshiotët do të mungojë sulmuesi vlonjat Ardit Hoxhaj, që po kalonte një moment të mirë te Bylisi pasi ka shënuar 3 gola në dy ndeshjet e fundit duke i dhënë 4 pikë mjaft të vlefshme ballshiotëve në “luftën” për mbijetesë.
Dy javët e fundit për ekipin mallakastriot janë shumë të rëndësishme për ta, pasi luajnë fillimisht në shtëpi me Flamurtarin, e më pas e mbyllin fazën në Shkodër ndaj Vllaznisë, pra ky vit kalendarik do të mbyllet me dy “finale” mbijetese për ballshiotët, e nëse ia dalin me sukses atëherë mund të marrin frymë lirisht e të mendojnë të qetë për forcimin e skuadrës në merkaton e janarit.